Сурхондарёдаги мактабда ўқувчиларнинг овқатдан заҳарланиши ҳолати юзасидан жиноят иши қўзғатилди
Мактаб ошхонасида айрим маҳсулотларда санитария меъёрлари қоидалари бузилгани, бу эса болаларда касаллик келтириб чиқаргани аниқланган.
Натижада мактаб ошхонасидан олинган айрим маҳсулотлар санитария меъёрлари қоидалари ва гигиена нормалари талабларига жавоб бермаслиги ҳамда ошхона жиҳозларидан фойдаланиш тартиб қоидаларига риоя қилинмаганлиги, бу эса болалар ўртасида юқумли ошқозон ичак касалликлари билан касалланишига олиб келганлиги аниқланган.
Мазкур ҳолат юзасидан Сариосиё туман прокуратураси томонидан ЖКнинг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) 4-қисми «б» банди билан жиноят иши қўзғатилди. Ҳозирда дастлабки тергов ҳаракатлари олиб борилмоқда.