Ўзбекистон фуқаролари Канадада расман иш топиш имкониятига эга бўлади

Ўзбекистон бандлик вазири ва Канада элчиси икки давлат хусусий рекрутинг компаниялари ўртасидаги алоқаларни ўрнатиш масаласини кўриб чиқишди.

Камбағалликни қисқартириш ва бандлик вазири Беҳзод Мусаев ҳамда Канаданинг Ўзбекистондаги фавқулодда ва мухтор элчиси Алам Хемсон ўртасида учрашув бўлиб ўтди, дея хабар бермоқда Камбағалликни қисқартириш ва бандлик вазирлиги.

Унда Канада билан меҳнат миграцияси соҳасида ҳамкорликни йўлга қўйиш, ўзбекистонлик фуқароларни Канада меҳнат бозорига жалб қилиш механизмларини ишлаб чиқиш бўйича музокаралар олиб борилган.

Шунингдек, икки давлатнинг хусусий рекрутинг компаниялари ўртасидаги алоқаларни ўрнатиш, фуқароларни Канадага юбориш ва виза олиш билан боғлиқ масалалар муҳокама қилинди.