UFC. Чимаев рейтингда икки поғона пастлади

Хамзат Чимаев (13:0) UFC'нинг ўрта вазн тоифасидаги рейтингида икки поғона пастлаб, Роман Долидзе (12:3) ва Жек Херманссонни (24:8) ўзидан олдинга ўтказиб юборди.

Долидзе сўнгги жангида Нассурдин Имавовга (13:4) ютқазган, Херманссон эса Жо Пайферни (12:3) мағлуб этган.

Чимаев ўзининг сўнгги жангида Камару Усманни (20-4) кўпчилик ҳакамларнинг қарори билан (29-27, 29-27, 28-28) мағлуб этганди. Жанг 2023 йил 21 октябрь куни БААнинг Абу-Даби шаҳридаги UFC 294 мусобақасида бўлиб ўтди.