Аввалроқ тўхтатилган шаҳарлараро поездлар ҳаракати қайта тикланди

Бугундан бошлаб Тошкентни Сирдарё ва Хожикент билан боғловчи электропоездлар ҳаракатлана бошлайди.

Ўтган йилнинг ноябрь ойи бошларида Тошкентдан Хожикентга поездлар ҳаракати вақтинча тўхтатилгани ҳақида хабар берган эдик. «Ўзбекистон темир йўллари» АЖнинг маълум қилишича, бугундан бошлаб қуйидаги шаҳарлараро йўловчи поездлар ўз ҳаракатини давом эттиришни бошлайди.

Унга кўра, бугундан бошлаб Тошкентдан Сирдарё, Гулистон ва Хожикентга қатнайдиган поездлар ҳаракати тикланди.

14 февраль санасидан

6418-сонли «Тошкент — Сирдарё» йўналиши
Тошкент 20:30 — Сирдарё 22:47

15 февраль санасидан

6407-сонли «Сирдарё — Тошкент» йўналиши
Сирдарё 4:12 — Тошкент 6:21
6413-сонли «Гулистон — Тошкент» йўналиши
Гулистон 15:52 — Тошкент 18:14
6414-сонли «Тошкент — Гулистон» йўналиши
Тошкент 12:59 — Гулистон 15:27
6429-сонли «Тошкент — Хожикент» йўналиши
Тошкент 7:06 — Хожикент 9:23
6430-сонли «Хожикент — Тошкент» йўналиши
Хожикент 9:50 — Тошкент 12:01