Ўзбекистонда яқин кунларда "метан заправкалар" иш графиги ўзгариши кутилмоқда

“Ҳудудгазтаъминот” АЖ ҳайдовчилардан машиналарини ёқилғи билан таъминлаб олишларини сўрамоқда.

“Ҳудудгазтаъминот” АЖ 16–18 февраль кунлари ҳавонинг кескин совиши сабаб АГТКШларда маҳаллий ҳокимликлар билан келишилган ҳолда уларнинг иш графигига ўзгартиришлар киритилиши мумкинлигини маълум қилди.

АГТКШларда навбатлар ва ноқулайликлар юзага келишини олдини олиш мақсадида ҳайдовчилардан ўз автомобилларини ёқилғи билан таъминлаб олишлари сўралмоқда.

Эслатиб ўтамиз, Ўзгидромет хабарига кўра, 16–18 февраль кунлари мамлакат бўйлаб ҳаво ҳароратининг кескин пасайиши ва жойларда ҳарорат кундузи 3...8 даража, кечаси 11....16 даражагача совуқ бўлиши кутилмоқда.