Наманган – Москва рейси 10 соатдан ортиқ вақтга кечиктирилди

Рейс йўловчилари авиакомпания томонидан меҳмонхонага жойлаштирилган.

Россиянинг «Азимут» авиакомпаниясининг Тошкент вақти билан соат 05:10 да учиши режалаштирилган А49086 (Наманган – Москва) рейси техник сабабларга кўра 10 соатдан ортиқ вақтга кечиктирилди, дея хабар бермоқда Uzbekistan Airports Матбуот хизмати.

Рейс йўловчилари авиакомпания томонидан меҳмонхонага жойлаштирилган ва аэропортдан вақтинча бўлиш жойигача транспорт билан таъминланган. Дастлабки маълумотларга кўра, А49086 рейси 2024 йил 28 февраль Тошкент вақти билан соат 15:30 га кўчирилган.