ДСҚ йил бошидан буён ўзбекистонликларга 420 млрд сўмдан ортиқ кешбек тўлади

Давлат солиқ қўмитаси январ-август ойларида истеъмолчиларга тўланган нақд пуллар миқдори бўйича маълумотларни эълон қилди.

Жорий йилнинг август ойи учун 787 937 нафар истеъмолчига 80,9 млрд сўм кешбек тўланди, дея хабар бермоқда Давлат солиқ қўмитаси Ахборот хизмати.

Шунингдек, камчиликлар бартараф этилиши натижасида январь-июль ойлари учун яна 2,7 млрд сўм кешбек тасдиқланди.

Йил бошидан буён 1 168 591 нафар фуқарога 421,3 млрд сўм кешбек тўлаб берилди.