[ madaniyat ] 1 Mart 2024
Бухорода содир бўлган портлашда бир киши ҳалок бўлди
Бугун, 1 март куни соат 08:57 ларда Бухоро вилояти, Бухоро шаҳар, “Ёшлик” МФЙ, Алпомиш кўчасида жойлашаган 2-қаватли бинонинг 1-қаватидаги автомобил эҳтиёт қисмлари дўконининг ертўласида газ-ҳаво аралашмасидан портлаш содир бўлганлиги таҳмин қилинмоқда. Бу ҳақда ФВВ матбуот хизмати хабар қилди.
Маълум қилинишича, портлаш оқибатида 1-қаватнинг 2 дона бетон плитаси қулаб тушган.
Портлаш сабаби ва зарари аниқланмоқда. Воқеа жойида ёнғин содир бўлмаган.
Дастлабки маълумотларга кўра, ҳодиса оқибатида 1 нафар фуқаро олган тан жароҳатлари билан воқеа жойида ҳалок бўлган ва яна 1 нафар фуқаро турли даражадаги тан жароҳатлари билан шифохонага юборилган.
Воқеа жойига вилоят ва шаҳар ФВБ раҳбарияти ҳамда ёнғин-қутқарув экипажлари, ИИБ, Прокуратура, “Ҳудудгазтаъминот” ва ССБ ходимлари чиқишган.
Ҳолат юзасидан дастлабки терговолди суриштирув ишлари олиб борилмоқда.