Қўқон аэропорти мунтазам авиақатновларни қабул қилишни бошлайди

Қўқон аэропортининг реконструкция ишлари якунланди ва биринчи техник парвоз қабул қилинди.

Фарғона вилоятида «Қўқон» аэропортини реконструкция қилиш ишлари якунланди. 20 март куни эрталаб аэропорт биринчи техник парвозни қабул қилди – «Uzbekistan airways» авиакомпаниясининг А320 NEO самолёти экипажи Қўқон аэропортига қўнди. Бу ҳақда «Uzbekistan airways» Матбуот хизмати хабар берди.

Вилоят аэропортида учиш-қўниш йўлаги 2000 метргача узайтирилди ҳамда А320 ва АТР72-600 русумли самолётлар учун иккита тўхташ жойига эга перрон реконструкция қилинди. Шунингдек, аэропортда 100 кишига мўлжалланган 900 кв.м майдонли янги йўловчи терминали қурилди.

Қўқон аэропортига мунтазам парвозлар 2024 йил 1 апрелдан бошлаш режалаштирилган.