Оскар Де Ла Хойя Райан Гарсияга маслаҳат берди
У Гарсияга фаолиятини вақтинча тўхтатишни ва жароҳатларидан тўлиқ қутулиб, фақат 2026 йилдан бошлаб жангларга қайтишни маслаҳат берди.
«Яқинда у операция қилдирди. Энди елкасини текширтирмоқчи. Мен Райан бир йиллик таътил ҳақида ўйлаб кўришини истардим. У ўзини яхши ҳис қилиши учун фикрларини барқарорлаштириши керак. У ҳеч нарсани йўқотмайди. Унинг жароҳатлари бор ва уларни даволаш керак.
Янада муҳимроғи — у ўз ҳаётини йўлга қўйиши лозим. Мен бундай вазиятларни бошдан кечирганман. Деярли барча унга нималарнидир маслаҳат беряпти, у эса шошилиб ҳаммасига жавоб қайтармоқчи. У тин олиб, ортга қадам ташлаган ҳолда ҳаётини таҳлил қилиб чиқиши керак. Бу менинг шахсий фикрим. Умид қиламанки, бир йиллик танаффус олади ва менинг гапимни эшитади», — дейди Оскар The Ring нашрига.
Эслатиб ўтамиз, Гарсия ўзининг сўнгги жангини 2025 йил май ойида ўтказган ва унда Роландо Ромерога ҳакамлар қарори билан ютқазганди.