Янош Ковач UzAuto Motors бош директори бўлди
Венгрияда туғилган Янош Ковач Будапешт техника университетининг автомобилсозлик технологиялари бўйича муҳандислик мутахассислигини тамомлаган.
Ковач жаҳон автомобиль саноатининг етакчи топ-менежерларидан бири сифатида General Motors, Opel, GM Powertrain Uzbekistan, UzAuto Peugeot Citroën Automotive va VinFast Automotive каби компанияларда муҳим раҳбарлик лавозимларида кўп йиллик тажрибага эга.
Ўзининг фаолияти давомида у сифатни бошқариш, ишлаб чиқариш жараёнларини оптималлаштириш ва автомобиль заводлари бошқаруви бўйича масъул бўлган.
У 2021 йилдан буён UzAuto Motors АЖ Кузатув кенгаши аъзоси ва аудит қўмитаси аъзоси сифатида фаолият юритиб келаётган эди.
Бунгача UzAuto Motors ва UzАuto Motors Powertrain компанияларини уч йил Бу Андерссон бошқарган ва 2024 йил декабрь охирида мазкур лавозимдан кетган. UzAuto Motors’нинг маълум қилишича, унинг раҳбарлигида ишлаб чиқариш кўрсаткичлари ошган — 2023 йилда 395 400 машина конвейердан чиққан, бу аввалги йилдан 20 фоиз кўп.