Шавкат Мирзиёев Қашқадарё вилоятига ташриф буюради

Шавкат Мирзиёев 19 июнь куни Қашқадарё вилоятига ташриф буюради. Бу ҳақда Президент матбуот хизмати хабар қилди.

Ташрифдан кўзланган мақсад — ҳудудларда амалга оширилаётган ислоҳотлар натижадорлиги ва ривожланиш жараёнлари билан бевосита танишишдир.

Давлат раҳбари ташрифи давомида саноат, тиббиёт, туризм, энергетика каби соҳаларга оид корхоналар фаолиятини, шунингдек, маҳаллаларда олиб борилаётган бунёдкорлик ишларини кўздан кечириши режалаштирилган.

Шунингдек, вилоятни ижтимоий-иқтисодий ривожлантириш бўйича келгуси режалар муҳокамасига бағишланган йиғилиш ўтказилиши кўзда тутилган.