Ўзбекистон ТИВ Исроил ва Эрондаги ватандошлардан имкон қадар хавфсиз ҳудудларга чиқиб кетишларини сўради

Эрон ва Исроилдаги Ўзбекистон фуқароларидан имкон қадар хавфсиз ҳудудларга чиқиб кетиши сўралади, дея пост қолдилди ташқи ишлар вазири матбуот котиби Ахрор Бурханов.

«Яқин Шарқдаги вазиятнинг шиддат билан кескинлашаётгани бизда чуқур хавотир уйғотмоқда. Ўзбекистон доимо минтақадаги барча томонларни ўзаро музокаралар орқали тинчлик йўлида ҳаракат қилишга чақириб келган», — дейилади хабарда.

«Шу муносабат билан, Ўзбекистон фуқароларидан Исроил ва Эронга сафар қилишдан тийилишни, ушбу мамлакатларда бўлган фуқароларимиздан эса имкон қадар хавфсиз ҳудудларга чиқиб кетишларини сўраймиз», — дея қайд этган ТИВ вакили.

Бурханов хавфсизликни таъминлаш мақсадида зарур чоралар кўрилаётганини маълум қилди. У Ўзбекистон фуқароларидан ҳушёрликни сақлаш ва расмий эълонларни кузатиб боришни илтимос қилган.

Аввалроқ Ўзбекистоннинг Исроилдаги элчихонаси мамлакатдан чиқиб кетмоқчи бўлган Ўзбекистон фуқаролари учун назорат-ўтказиш пунктлари ва транспорт йўналишлари бўйича маълумот берганди.