Ўзбекистоннинг Сербиядаги биринчи элчиси тайинланди

Ўзбекистоннинг Венгриядаги биринчи, шунингдек, ўриндошлик асосида Словения, Хорватия ва Черногориядаги элчиси ҳисобланган Ойбек Шахавдинов Сербиядаги биринчи элчиси ҳам бўлди.

«Дунё» ахборот агентлиги хабарига кўра, Белградда бўлиб ўтган учрашувда Ойбек Шахавдинов ва Сербия Ташқи ишлар вазирлиги дипломатик протокол бўлими раҳбари Бранко Радованович икки давлат ўртасидаги муносабатларни мустаҳкамлашни муҳокама қилган.

Сербия томони Ўзбекистоннинг Сербияга биринчи элчи тайинлаганини олқишлаб, бу қадам икки томонлама ҳамкорликнинг бутун йўналишига янги суръат бағишлашини таъкидлади.