Эритрея ва Ўзбекистон дипломатик муносабатлар ўрнатди

10 июль куни Эритрея ва Ўзбекистон БМТнинг тегишли ваколатхоналари орқали расман дипломатик муносабатлар ўрнатди. Бу ҳақда Эритреянинг Нью Йоркдаги доимий ваколатхонаси хабар берди.

Қайд этилишича, Эритреянинг БМТдаги доимий вакили София Тесфамариам ва Ўзбекистоннинг БМТдаги доимий вакили Улуғбек Лапасов қўшма коммюнике имзолади.

Бу воқеа ўзаро ҳурматга асосланган икки томонлама алоқаларда янги саҳифа очиши таъкидланди.

Эритрея Шимоли-Шарқий Африкада жойлашган, аҳолиси 3,9 млн кишидан ортиқ.

Апрель ойида Ғарбий Африкада жойлашган Кот д’Ивуар давлати Ўзбекистон билан дипломатик алоқалар ўрнатган 160-мамлакат бўлганди.