Тошкентда синтепон ишлаб чиқариш корхонаси ёниб кетди
Бугун, 30 июль куни соат 09:58 да Олмазор тумани, Уста Ширин кўчасида жойлашган, синтепон ишлаб чиқариш корхоналарининг бирида ёнғин юз берди. Бу ҳақда Тошкент шаҳар Фавқулодда вазиятлар бошқармаси ахборот хизмати маълум қилди.
Ёнғин-қутқарув экипажлари айтилган манзилга соат 10:02 да етиб борган ва ёнғин соат 10:10 да қуршаб олиниб, соат 10:13 да ўчирилган.
Воқеа жойига Тошкент шаҳар ФВБ раҳбарияти ҳамда маъсул ташкилотларнинг вакиллари чиққан.