Ўзбекистоннинг Лихтенштейндаги биринчи элчиси тайинланди

Дилшод Ахатов Ўзбекистоннинг Лихтенштейн Князлигидаги биринчи элчиси (қароргоҳи Берлинда) бўлди, деб хабар бермоқда «Дунё» ахборот агентлиги. Дипломат валиаҳд шаҳзода Алоизга ишонч ёрлиқларини топширди.

Шунингдек, у Лихтенштейн бош вазири ўринбосари, ташқи ишлар, атроф-муҳит ва маданият вазири Сабине Монауни билан ҳам учрашувлар ўтказди.

Дилшод Ахатов 2023 йил сентябрь ойидан бери Германиядаги элчи лавозимида ишлаб келмоқда. У айни вақтда Швейцария ва Чехия Республикасидаги элчи лавозимларида ҳам фаолият юритмоқда.

Ўзбекистон ва Лихтенштейн 2024 йил март ойида дипломатик муносабатлар ўрнатган.