Гурбангули Бердимуҳамедов Шавкат Мирзиёевга туя ва бўталоқ совға қилди

Туркманистонга ташрифнинг маданий дастури доирасида 22 август куни Шавкат Мирзиёев, Туркманистон Халқ маслаҳати раиси Гурбангули Бердимуҳамедов ва Озарбайжон президенти Илҳом Алиев биргаликда «Аваза» конгресс маркази ёнидаги махсус майдонга ташриф буюрди.

Ўзбекистон раҳбари матбуот хизматига кўра, меҳмонларга «Галкиниш» миллий от спорти жамоаси ахалтака зотли тулпорларининг чиқишлари намойиш этилди.

Қайд этилишича, «Галкиниш» от спорти гуруҳи бу йил Монте Карлода бўлиб ўтган 47-халқаро цирк фестивалида олтин мукофотга сазовор бўлган, шунингдек, Истанбулда бўлиб ўтган Халқаро этноспорт фестивалида муваффақиятли иштирок этган.

Туркман халқининг миллий етакчиси «Ўзбекистон халқига чуқур ҳурмат-эҳтиром рамзи сифатида» Шавкат Мирзиёевга тўкин-сочинлик ва фаровонлик рамзи бўлган туя ва бўталоқни совға қилди.

Фото