Теннис. Соболенко кетма-кет иккинчи йил US Open чемпиони бўлди

Арина Соболенко кетма-кет иккинчи йил US Open чемпионига айланди. Финалда у Аманда Анисимовадан 6:3, 7:6(3) ҳисобида устун келди.

Соболенко фаолиятидаги тўртинчи «Катта дубулға»да ғалаба қозонди. АҚШ очиқ чемпионатидан ташқари у 2023 ва 2024 йилларда Австралия очиқ чемпионатида ғолиб бўлган.

Беларуслик теннисчи 2014 йилдан бери US Open турнирида ўз чемпионлигини ҳимоя қилган биринчи теннисчи бўлди. Ўшанда Серена Уильямс буни амалга оширганди.