Синнер 7 кунга АТП рейтингида биринчи ўринга чиқиши мумкин

«Катта дубулға» туркумига кирувчи турнирларнинг тўрт карра ғолиби, италиялик теннисчи Янник Синнер Париждаги (Франция) «Мастерс» туркумига кирувчи турнир якунлари бўйича бир ҳафтага жаҳон рейтингида биринчи ўринга қайтиши мумкин.

Бунинг учун Синнер Париждаги «Мастерс»да ғалаба қозониши, жаҳон рейтингининг амалдаги етакчиси, олти карра йирик чемпион испаниялик Карлос Алькарас эса ярим финалдан олдин мағлуб бўлиши керак. Ўшанда Янник Синнер атиги бир ҳафтага дунёнинг биринчи ракеткаси унвонини қайтариб олиши мумкин бўлади.

Рейтинг 9-16 ноябрь кунлари бўлиб ўтадиган АТП якуний чемпионати — 2025 старти олдидан янгиланади. Эслатиб ўтамиз, Париждаги турнир Янник Синнер фаолиятидаги энг ёмон «Мастерс» ҳисобланади.