Silk Road лойиҳаси Буюк Ипак йўлининг тарихий хотирасини сақлаш ва спорт орқали миллатлараро ҳамда маданиятлараро мулоқотни ривожлантиришга қаратилган. Ташаббус Марказий Осиёни Хитойнинг Қошғар шаҳри билан боғлаган Буюк Ипак йўлининг асосий савдо марказларидан бири бўлган Андижоннинг бой маданий-тарихий меросига асосланади.

Оммавий югуриш мусобақалари туркумининг биринчи босқичи 2 ноябрь куни Хивада ўтказилиб, унда 1500 дан ортиқ иштирокчи шаҳарнинг тарихий қисмидаги ноёб меъморий ёдгорликлар орасидаги масофани югуриб ўтди.

Иккинчи босқич Андижонда бўлиб ўтади. Бошланиш нуқтаси Заҳириддин Муҳаммад Бобур номидаги мемориал боғ мажмуаси бўлади. Бу шаҳар марказидаги яшил ҳудудда 50 га яқин турдаги дарахтлар ўтқазилган ва Буюк Ипак йўлидаги савдо алоқаларини ривожлантиришда муҳим роль ўйнаган буюк шоир ва ҳукмдор музейи жойлашган. Боғ ҳудудидан шаҳарнинг диққатга сазовор жойлари ва канат йўли кўриниб туради. Шундан сўнг, йўналиш Янги Айманма айланма кўчаси бўйлаб давом этиб, шаҳар марказини айланиб ўтади.

«Югуриш ҳаракатини ривожлантириш учун катта салоҳиятга эга бўлган ҳолда, биз фаол турмуш тарзи ёш авлод учун ҳаракатлантирувчи кучга айланиши мақсадида минтақавий лойиҳаларга эътибор қаратмоқдамиз», — деди Марказий Осиё юриш ва югуриш академияси директори Шуҳрат Усмонов. «Талабалар Олий таълим, фан ва инновациялар вазирлиги ёрдамида ташкил этилган Talaba Yugur лойиҳасини аллақачон яхши билишади. Мактаб ўқувчилари O‘quvchi Yugur мусобақаларида қатнашмоқда, ижтимоий фаол фуқаролар эса Eco Save Aral ташаббусига қўшилмоқда. Ўзбекистон шаҳарларини мамлакатдан ташқарида ҳам эътибор тортадиган бой маданий мерос бирлаштиради. Silk Road лойиҳаси ушбу бирликнинг асосий боғловчи бўғинларидан бири ҳисобланади.»

Silk Road — Andijan дастурида 5 км ва 10 км масофалар, ярим марафон (21 км) ҳамда Kids Run болалар оммавий югуриш мусобақаси ўтказилиши режалаштирилган.

Старт пакетларнинг нархи тоифасига қараб 100 000 сўмдан 300 000 сўмгача ўзгаради. Старт пакетлари 28 ва 29 ноябрь кунлари тарқатилади. Ушбу пакетга чип ва тўғноғичли рақам, узун енгли футболка (лонгслив), бош кийим, рюкзак ва медаль киради.

Рўйхатдан ўтиш учун Perfend ҳамкорлик майдончасида амалга оширилади: https://perfend.com/ru/events/sport/andijan.

Халқаро Silk Road оммавий югуриш мусобақасига қўшилинг ва Ўзбекистон спорт ҳаракатининг қисмига айланинг!