Майк Тайсон Конор Макгрегорга тавсиф берди

Халқаро бокс шон-шуҳрат залининг 59 ёшли аъзоси, шунингдек, бокс бўйича супероғир вазн тоифасида собиқ мутлақ жаҳон чемпиони америкалик Майк Тайсон ярим енгил ва энгил вазн тоифасида UFC собиқ икки карра чемпиони ирландиялик Конор Макгрегор билан учрашувдан сўнг у ҳақдаги таассуротлари билан ўртоқлашди.

«У ақл бовар қилмайдиган одам. Конор жуда чиройли. Мен бундай одамларни жуда кам учратганман. Ундан жуда кўп энергия чиқади», — дея Тайсоннинг сўзларини келтиради Bloody Elbow портали.

Ирландиялик 2021 йил июль ойидан бери аралаш яккакурашлар бўйича жанг қилмаган, ўшанда UFC 264 мусобақасида у биринчи раундда техник нокаут (оёқ жароҳати) билан енгил вазн тоифасида UFC вақтинчалик чемпионлиги собиқ эгаси америкалик Дастин Порега ютқазган эди.