Профессионал бокс. Руслан Абдуллаев навбатдаги ғалабани қўлга киритди

Боксчимиз Руслан Абдуллаев бугун АҚШнинг Калифорния штатида Golden Boy промоутерлик компанияси томонидан ташкил этилган жанг кечасида ринга кўтарилди.

У уругвайлик Эдуардо Хавиер Абреуга қарши баҳс олиб борди. Кутилганидек истеъдодли боксчимиз рақибига хеч қандай имконият қолдирмади. 8 раундлик жангнинг 5- раундида нокдаундан сўнг рақиб тура олди, аммо кейинги берилган кетма-кет зарбаларга дош бера олмади ва рефери уни чуқур нокаутдан қутқариб қолди.

Шу тариқа, юртдошимиз профессионал боксдаги 4-жангида ҳам зафар қучиб, ғалабали сериясини давом эттирди.

Манба: stadion.uz