“Australian Open – 2026”. Бугун ҳамюртимиз ўз юришини бошлайди

Мельбурн шаҳрида теннис бўйича эркаклар ва аёллар ўртасида «Катта дубулға» туркумидаги “Australian Open – 2026” мусобақаси асосий тўр баҳсларининг биринчи давраси старт олди.

Биз учун аҳамиятлиси, ушбу мусобақада терма жамоамизнинг 2 нафар аъзоси: Камилла Раҳимова ва Полина Кудерметова иштирок этади. Ушбу мусобақанинг бугунги баҳсларида Полина илк босқичда испаниялик Гуёмар Де Реалес билан рақобатлашса, эртага 19 январь куни Камилла Раҳимова АҚШ вакили Коко Гауфф билан тўқнаш келади.

Шунингдек, Камилла 20 январь куни россиялик шериги Анна Блинкова билан тандемда жуфтлик беллашувларининг илк босқичида тайванлик Чан Ҳао-чинг ва хитойлик Жианг Хиню дуэти билан куч синашади.