[ sport ] 20 Yanvar 2026
Илия Топурия навбатдаги жангини қачон ва кимга қарши ўтказишини маълум қилди
“Эл Матадор”нинг сўзларига кўра, у тахминан уч ойдан сўнг жангларга қайтишни режалаштирмоқда. Топурия ўзининг навбатдаги рақиби сифатида америкалик Жастин Гетжи ва британиялик Педди Пимблетт ўртасидаги баҳс ғолибини кўрмоқда. Мазкур жангда вақтинчалик чемпионлик камари ўйналади.
“Апрель — июнь. Педди Пимблетт ва Жастин Гетжи ўртасидаги жанг ғолиби”, деб ёзди Топурия ўзининг ижтимоий тармоқдаги саҳифасида.
Ҳозирда Илия Топурия шахсий масалалар сабаб жанглардан қисқа танаффус олган. Ўз навбатида, Гетжи — Пимблетт жанги 25-январь, якшанба куни Лас-Вегасда бўлиб ўтадиган UFC 324 турнирининг марказий тўқнашуви сифатида белгиланган.