Дана Уайт Оқ уйдаги UFC турнирининг сиёсийлашуви ҳақидаги танқидларга жавоб берди

UFC президенти Дана Уайт жамоатчиликнинг 14 июнь куни АҚШ президентининг расмий қароргоҳи ҳудудида — Оқ уйда ўтказилиши режалаштирилган UFC турнирини сиёсийлаштириш ҳақидаги айбловларига қисқача жавоб берди.

«Жорж Буш бейсбол, Обама НБА, Трамп эса UFC мухлиси эди. Ўйлайманки, бу билан ҳеч бир спорт ўта сиёсийлашиб кетмаган», — дея Уайтнинг сўзларини келтиради Х ижтимоий тармоғидаги Championship Rounds аккаунти.

Қизиғи шундаки, турнир АҚШ президенти Доналд Трампнинг туғилган кунида бўлиб ўтади. У 80 ёшга тўлади. Бироқ, расмий равишда тадбир мустақиллик декларацияси қабул қилинганининг 250 йиллигига бағишланади.