Ўзбекистонда таълим хизматлари бозорида олий таълим етакчи ўринни эгалламоқда

Миллий статистика қўмитаси маълумотларига кўра, 2025 йилнинг январь–ноябрь ойларида Ўзбекистонда таълим соҳасида кўрсатилган бозор хизматлари ҳажми 34,2 трлн сўмни ташкил этган.

Қайд этилишича, мазкур кўрсаткич 2024 йилнинг шу даврига нисбатан 8,8 фоизга ўсган. Таълим хизматлари умумий бозор хизматлари ҳажмининг 3,7 фоизини ташкил этган.

Шу даврда таълим соҳасида кўрсатилган хизматлар таркибида олий таълим хизматлари етакчи ўринни эгаллаган. Уларнинг улуши таълим хизматлари умумий ҳажмининг 46,8 фоизига тўғри келган.