Aus Open-2026. Чорак финал жуфтликлар маълум бўлди

Теннис бўйича Австралия очиқ чемпионатида чорак финал босқичи жуфтликлар маълум бўлди. Унга кўра, дунёнинг иккинчи ракеткаси, италиялик Янник Синнер теннис бўйича Австралия очиқ чемпионатининг чорак финалида АҚШ вакили Бен Шелтон билан баҳс олиб боради.

Чорак финалнинг бошқа жуфтликларида биринчи рақам остида таснифланган испаниялик Карлос Алкарас мезбон мамлакат теннисчиси Алекс де Минаур билан тўқнаш келади. Германиялик Александр Зверев (3-рақам) америкалик Лёрнер Тиен (25)га қарши кортга чиқади. Яна бир баҳсда италиялик Лорензо Музетти (5) сербиялик Новак Жокович (4) билан куч синашади.

Australian Open. Чорак финал жуфтликлари (эркаклар):

Янник Синнер (Италия, 2) — Бен Шелтон (АҚШ, 7);
Карлос Алкарас (Испания, 1) — Алекс де Минаур (Австралия, 6);
Александр Зверев (Германия, 3) — Лёрнер Тиен (АҚШ, 25);
Лорензо Музетти (Италия, 5) — Новак Жокович (Сербия, 4).

Аёллар ўртасидаги Австралия очиқ чемпионатининг ҳам чорак финал жуфтликлари маълум бўлди. Турнир давомида етакчи теннисчилар ўзаро куч синашади. Қуйидаги жуфтликлар майдонга чиқади:

Australian Open. Чорак финал жуфтликлари (аёллар):

Арина Соболенко (Беларусь, 1) — Ива Йович (АҚШ, 29);
Елена Рибакина (Қозоғистон, 5) — Ига Швёнтек (Польша, 2);
Кори Гауфф (АҚШ, 3) — Элина Свитолина (Украина, 12);
Жессика Пегула (АҚШ, 6) — Amanda Анисимова (АҚШ, 4).

Австралия очиқ чемпионати мавсумдаги илк “Катта дубулға” турнири ҳисобланади ва қаттиқ қопламали кордларда ўтказилади. Турнирнинг амалдаги чемпиони Янник Синнер бўлиб, у финал учрашувида Александр Зверевни мағлуб этган эди. Аёллар ўртасидаги амалдаги чемпион эса америкалик Медисон Киз бўлиб, у ўтган йилги финалда беларуслик Арина Сабаленкадан устун келган. Мусобақанинг умумий соврин жамғармаси 75 миллион АҚШ долларини ташкил этади. Турнир 31 январь куни якунланади.

Манба: daryo.uz