Топурия Алькарасни табриклади

Енгил вазн тоифасида UFC чемпионлигини қўлга киритган 29 ёшли Испания вакили, Австралия Очиқ чемпионати — 2026 ғолиби Карлос Алькараснинг карьерасидаги навбатдаги совринни қўлга киритгани ҳақида фикр билдирди. Финалда Алькарас сербиялик Новак Жоковични мағлуб этди.

«Истеъдод машаққатли меҳнат билан учрашганда афсоналар туғилади. Сени тўхтатиб бўлмайди. Буюк Карлос», — деб ёзди Топурия ижтимоий тармоқдаги саҳифасида.

Алькарас «Катта дубулға» турнирларидаги ғалабалари сони бўйича америкалик Жон Макинрой ва швециялик Матс Виландерга етиб олди.