Дана Уайт 2026 йилда Фюри - Жошуа жангини ташкил қилиши мумкин

UFC президенти Дана Уайт бошқарувидаги Zuffa Boxing промоутерлик компанияси дунёга машҳур британиялик Тайсон Фюри ва Энтони Жошуа ўртасидаги жанг ташкилотчиси бўлиши мумкин. Бу ҳақда BoxingScene нашри хабар бермоқда.

Маълумотларга кўра, шоуни Netflix платформаси эфирга узатади. Шу билан бирга, Уайтнинг ўзи яқинда Zuffa Boxing бир нечта кенг кўламли шартномаларни эълон қилишини маълум қилди.

«Яқин бир неча ҳафта ичида бизда жуда ақл бовар қилмайдиган эълонлар бўлади. Боксда кутганимдан анча илгарилаб кетдим, бор-йўғи иккита турнир ўтказдим. Саноатни силкитадиган кўп нарсалар содир бўлмоқда: янги имзолар, битимлар. Айтмоқчиманки, 2026 йил охиригача ҳамма нарса жуда таъсирли кўринади», — дея Уайтнинг сўзларини келтиради BoxingScene портали.