Таэквондочиларимиз нуфузли турнирда муваффақиятли иштирок этмоқда

Бирлашган Араб Амирликларининг Фужайра шаҳрида турли ёш тоифалари ўртасида таэквондо WT бўйича давом этаётган “Fujairah Open — 2026” халқаро турнирининг катталар мусобақасида Ўзбекистон терма жамоаси аъзолари 2 та олтин, 6 та кумуш ва 6 та бронза медалларига сазовор бўлди.

Дунёнинг бир қатор давлатларининг етакчи таэквондочилари иштирок этган муросасиз жангларда ўз вазн тоифаларида терма жамоамиз аъзоларидан Нажмиддин Қосимҳўжаев ва Ёдгор Жўрабоев олтин, Омонжон Отажонов, Мироншоҳ Музаффаров, Жасур Жайсунов, Марат Мавлонов, София Хан, Мадина Мирабзалова кумуш, Камрон Мансуров, Шамсиддин Қурбонов, Диёр Тўхлибоев, Лайло Зайнитдинова, Севинч Ҳайитова, Ирода Миртожиева бронза медалларига сазовор бўлди.

Эслатиб ўтамиз, 5 февралга қадар давом этадиган турнирда ёшлар ва ўсмирлар ўртасида ҳам мусобақалар бўлиб ўтади.