Ўзбекистон қизлари Осиё чемпионатида олтинга сазовор бўлишди

Хитойнинг Тяньцзин шаҳрида енгил атлетика бўйича ёпиқ иншоотдаги Осиё чемпионати бўлиб ўтмоқда. Бугун Ўзбекистон терма жамоаси мазкур мусобақада 2 та олтин медалга сазовор бўлди.

Уч ҳатлаб сакраш дастурида Шарифа Давронова 14,05 метр натижа билан олтин медални қўлга киритган бўлса, Жонбиби Ҳукмова 400 метрга (53,61) кечган беллашувларда энг яхши натижани қайд этди.