Дана Уайт UFC тарихидаги энг томошабоп тадбирни ваъда қилди

UFC раҳбари Дана Уайт АҚШнинг 250 йиллигини нишонлаш доирасида Оқ уйда бўлиб ўтадиган тарихий турнирга тайёргарлик ҳақида гапирди.

«Ўйлаймизки, бу UFC тарихидаги энг кўп томоша қилинган мусобақа бўлади. У бизнинг спортимизни ҳеч қачон кўрмаган кўплаб одамларга очиб беради. Мен, раҳбарият, ходимлар, ОАВ ва жангчилар учун бу бутун фаолиятимиз давомидаги энг ноёб, ажойиб кеча бўлади», — дея Уайтнинг сўзларини келтиради Yahoo Sports.

Шунингдек, Уайт яна промоушен тарихидаги энг яхши кардни йиғишга ваъда берди. Унинг қўшимча қилишича, жангчилар Оқ уйнинг Овал хонаси орқали октагонга чиқишади.