UFC. Конор ким билан жанг қилмоқчи?

Ирландиялик аралаш яккакурашлар (MMA) бўйича икки вазн тоифасида UFC собиқ чемпиони Конор Макгрегор америкалик Майкл Чендлерга қарши жангни ҳамон қайтиш учун устувор вариант деб ҳисоблашини тасдиқлади.

Мухлислардан бири ижтимоий тармоқда «Конор Чендлерга қарши — ёки ҳеч нарса» деб изоҳ қолдирган. Макгрегор бу постга муносабат билдириб, мухлисига жавоб қайтарди.

«Ҳа, бу жанг бўлиши керак», — деб ёзди Макгрегор.

Эслатиб ўтамиз, Макгрегор ва Чендлер 2024 йил июнь ойи охирида жанг ўтказиши керак эди, бироқ ирландияликнинг оёғидаги бармоғи шикастлангани сабабли жанг бекор қилинди.