UFC Оқ уйдаги турнир учун рекорд миқдорда маблағ сарфлайди
Оқ уйдаги турнирни ўтказиш учун UFC бино жанубидаги майсазорда октагон ва томошабинлар учун трибуналар барпо этади. Жангчилар октагонга Оқ уй кабинетлари орқали чиқиб келиши кутилмоқда.
Аввалроқ UFC президенти Дана Уайт Paramount UFC YouTube каналига берган интервьюсида ушбу тадбир ташкилот тарихидаги энг кўп томоша қилинадиган турнир бўлишини айтиб ўтган эди.
ММА оламида 2026-йилнинг энг муҳим воқеаларидан бири бўлиши кутилаётган ушбу мусобақа 14-июнь куни ташкил этилади. Рамзий маънода, айнан шу куни АҚШ президенти Дональд Трамп 80 ёшга тўлади.
Дастлаб расмий манбаларда турнир АҚШ мустақиллигининг 250 йиллиги муносабати билан 4-июль санасига режалаштирилгани қайд этилган эди. Бироқ логистика масалалари инобатга олиниб, тадбир 14-июнь санасига кўчирилди.
АҚШ президенти Доналд Трампнинг таъкидлашича, Оқ уй қаршисида қуриладиган аренага 100 минг нафаргача томошабин ташриф буюриши мумкин. Бу Оқ уй ҳудудида ўтказиладиган тарихдаги илк профессионал спорт тадбири сифатида йилномалардан жой олади.