Топурия: “Ҳеч қачон Ҳабибнинг мухлиси бўлмаганман”

UFC енгил вазн тоифаси чемпиони Илия Топурия стример Эдин Росснинг YouTube каналидаги эфир вақтида собиқ чемпион Ҳабиб Нурмагомедов ҳақида гапириб, россиялик спортчининг услуби зерикарли бўлганини таъкидлади.

“Ҳабиб ўзининг охирги икки жангигача томоша қилиш завқ бағишлайдиган жангчи бўлмаган. Уни кузатишдаги ягона қизиқарли жиҳат — унинг мағлубиятсиз эканлиги эди. Кимдир уни мағлуб этиши мумкинлиги ҳақидаги фикр интригани ушлаб турарди. Аммо ҳақиқат шуки, мен ҳеч қачон унинг жанг услуби мухлиси бўлмаганман. Ҳеч қачон”, деди Топурия.

Аввалроқ, Оқ уйдаги UFC турнирида Илия Топурия енгил вазн чемпионлик камари учун асосий даъвогар — Жастин Гетжига қарши октагонга кўтарилиши мумкинлиги ҳақида хабар берилган эди.