Соҳибжамол Эсбосинова Осиё чемпионатининг бронза медалига сазовор бўлди

Қирғиз Республикасида спорт курашлари бўйича Осиё чемпионатининг яна бир куни ортда қолди. Унда терма жамоамиз ҳисобига 1 та бронза медали ёзилди.

Мазкур медални — 53 кг вазн тоифасида курашган Соҳибжамол Эсбосинова келтирди. Ҳамюртимиз учинчи ўрин учун баҳсда жанубий кореялик рақибасини мағлубиятга учратди.

Бугун кун давомида ўтказиладиган эркин кураш баҳсларида қатор спортчиларимиз гиламга чиқишади.

Финал:
— 65 кг: Умиджон Жалолов — Сужит (Ҳиндистон)

Бронза медали учун:
— 70 кг: Шаҳзодбек Ярашев — Сина Ҳалили (Эрон)
— 79 кг: Разамбек Жамалов — Даулет Ергеш (Қозоғистон) / Сулдху Олонбаяр (Мўғулистон)
— 97 кг: Шерзод Поёнов — Вики (Ҳиндистон)

Манба: sport24.ru