Арсланбек Маҳмудов Тайсон Фьюридан учралган мағлубиятдан сўнг пост қолдирди

Супер оғир вазн тоифасида WBA Inter-Continental камари соҳиби, 36 ёшли россиялик профессионал боксчи Арсланбек Маҳмудов собиқ жаҳон чемпиони Тайсон Фьюрига қарши жангдаги мағлубияти ҳақида ижтимоий тармоқдаги саҳифасида фикр билдирди.

«Бу ажойиб ов бўлди. Шер ҳар доим овга чиқади, лекин ҳар доим ҳам ўлжа билан қайтмайди», — деб ёзиб қолдирди Маҳмудов ўз саҳифасида жанг суратларини илова қилган ҳолда.

Эслатиб ўтамиз, Фьюри ва Маҳмудов ўртасидаги тўқнашув тўлиқ 12 раунд давом этди ва британиялик боксчининг ҳакамлар томонидан бир овоздан берилган қарори билан якунланди: 120-108, 120-108, 119-109.