Бокс. Тайсон Фьюри Лондондаги турнирда Арсланбек Маҳмудовни мағлуб этди

Лондонда супер оғир вазн тоифасида собиқ жаҳон чемпиони, британиялик Тайсон Фьюри ҳамда WBA Inter-Continental камари соҳиби, россиялик Арсланбек Маҳмудов ўртасидаги бокс жанги якунланди.

Жанг тўлиқ 12 раунд давом этди ва Фьюрининг ҳакамлар томонидан бир овоздан берилган қарори билан якунланди: 120-108, 120-108, 119-109.

Маҳмудов профессионал боксдаги дебютини 2017 йилда ўтказган бўлиб, жангларининг аксарият қисмини Канадада ўтказган. У ўзининг бундан олдинги октябрь ойидаги жангида британиялик Дэвид Алленни очколар ҳисобига мағлуб этган эди.

Тайсон Фьюрининг кўрсаткичлари эса қуйидагича: 35 та ғалаба (шундан 24 таси нокаут билан), 2 та мағлубият ва 1 та дуранг.