Кўксаройда Чехия бош вазири Андрей Бабишни расмий кутиб олиш маросими бўлиб ўтди

30 апрель куни Кўксарой қароргоҳида Ўзбекистонга расмий ташриф билан келган Чехия бош вазири Андрей Бабишни расмий кутиб олиш маросими бўлиб ўтди. Бу ҳақда Президент матбуот хизмати хабар қилди.

Қароргоҳ олдидаги майдонда фахрий қоровул саф тортди. Ўзбекистон президенти Шавкат Мирзиёев олий мартабали меҳмонни самимий қутлаб, уни шоҳсупага таклиф қилди.

Ҳарбий оркестр ижросида Ўзбекистон ва Чехия давлат мадҳиялари янгради. Етакчилар фахрий қоровул сафи олдидан ўтиб, расмий делегациялар аъзолари билан танишди.

Маросим якунида биргаликда суратга тушилгандан сўнг музокаралар бошланди.

Фото