COP17 доирасида ерларни тиклашни молиялаштиришнинг янги ёндашувлари муҳокама қилинди
Учрашувда деградацияга учраган ерларни тиклаш ва табиий ресурсларни барқарор бошқариш учун инвестициялар жалб қилиш ҳамда самарали ечимларни жорий этиш масалалари муҳокама қилинди.
Тадбирда Ўзбекистон Республикаси Президентининг экология масалалари бўйича маслаҳатчиси — Миллий экология ва иқлим ўзгариши қўмитаси раиси Азиз Абдуҳакимов, Шўрланган шароитда биоер деҳқончилиги халқаро маркази (ICBA) бош директори доктор Тарифа Алзааби, Марказий Осиё атроф-муҳит ва иқлим ўзгаришини ўрганиш университети (Green University) ректори, профессор Бахтиёр Пўлатов ҳамда ICBA CAC постдокторанти доктор Марғуба Режапова иштирок этди.
Тадбир давомида ерларни тиклаш лойиҳаларини молиялаштиришнинг амалий механизмлари, замонавий илмий ёндашувлар, шунингдек, чўлланиш ва ерлар деградациясига қарши курашиш соҳасида халқаро ҳамкорлик имкониятлари муҳокама қилинди.
Алоҳида эътибор инвестиция ташаббусларидан ер ресурсларининг барқарорлигини таъминлаш ва уларнинг унумдорлигини оширишга хизмат қиладиган аниқ экологик натижаларга ўтиш зарурлигига қаратилди.