Қорақалпоғистон Жўқорғи Кенгеси раиси Аманбай Оринбаевга генерал-майор унвони берилди
Президент матбуот хизмати хабарида қайд этилишича, унвон Оринбаевга «ички ишлар органлари тизимидаги кўп йиллик самарали меҳнати, Қорақалпоғистонни ҳар томонлама ривожлантириш, аҳоли фаровонлиги, хавфсизлиги ва осойишта ҳаётини таъминлаш, жамиятда меҳр-оқибат, аҳиллик ва тотувликни асраш ҳамда мустаҳкамлаш борасидаги катта хизматлари учун» берилган.
Эслатиб ўтамиз, Аманбай Оринбаев 2022 йил сентябрдан бери Қорақалпоғистон Жўқорғи Кенгеси раиси лавозимида ишлаб келмоқда. Бунгача у Қорақалпоғистон ИИВ раҳбари лавозимида 5 ойдан камроқ муддат — 2022 йил март бошидан июль охирига қадар ишлаганди.
Ўша йили июль ойи бошида республикада юз берган намойишлардан сўнг у ўз лавозимидан озод қилинганди ва Вазирлар Кенгаши раисининг биринчи ўринбосари лавозимига тайинланган. Август ойи бошларида у ўз номзодини Жўқорғи Кенгеснинг бўшаб қолган ўринларига қўйди ва 21 август куни депутат сифатида сайланганди.