Қирғизистон Россия технологиялари базасида ишлаб чиқилган ўзининг илк миллий сунъий йўлдошини фазога муваффақиятли учирди.

Космик аппарат АҚШнинг Калифорния штатида жойлашган полигондан орбитага олиб чиқилди. Тарихий вақелик ҳисобланган мазкур учириш жараёнини Қирғизистон Президенти Садир Жапаров шахсан кузатиб борди.

Янги сунъий йўлдош мамлакатнинг экологик ва иқтисодий мониторинг тизимини мустаҳкамлашга хизмат қилади. Унинг ёрдамида Қирғизистондаги музликларнинг аҳволи, дарёлар оқими ва қишлоқ хўжалиги экин майдонлари мунтазам кузатиб борилади. Шунингдек, фазовий аппаратдан республиканинг аниқ рақамли хариталарини шакллантириш ва геологик тадқиқотлар ўтказишда кенг фойдаланиш режалаштирилган.