Аичи-Нагоя-2026, таэквондо. Озода Собиржонова — Осиё Ўйинлари вице-чемпиони!

Аичи-Нагоя — 2026 XX Осиё ўйинларининг илк кунида таэквонда бўйича Ўзбекистон терма жамоаси ўзининг дастлабки медалига эга чиқди. Жамоамизнинг — 67 кг вазн тоифасидаги вакиласи Озода Собиржонова ўзининг ишончли чиқиши орқали мусобақанинг финал босқичига қадар етиб келди.

Ҳал қилувчи жангда Озодага Эрон терма жамоаси аъзоси Сагҳар Шейхлари Морадий рақиблик қилди. Шиддатли баҳсда ҳамюртимиз имкониятни бой бериб қўйган бўлса-да, мусобақа совриндорига айланди.

Бу орқали Озода Япония мезбонлигидаги Осиё ўйинларида таэквондочиларимизнинг дастлабки медалига муаллифлик қилди. Собиржонова бугун фаолиятидаги илк Осиё ўйинлари медалига сазовор бўлди.

Манба: stadion.uz