“Ташаббусли бюджет”нинг жорий йилги илк мавсумига 1 февралдан старт берилади. — Лойиҳалар киритиш: 1–20 февраль;— Лойиҳаларни саралаш: 21-феврал–11 март;— Овоз бериш: 12–31 март саналари давомида ўтказилади.
Олий Мажлис Сенати Раиси Танзила Норбоева бошчилигидаги делегация Буюк Британия Жамоатлар палатаси Спикери Линдсли Хойл билан учрашув ўтказди. Ўзбекистон ва Буюк Британия муносабатларининг кенг доираси хусусан, парламентлараро алоқаларни фаоллаштириш, савдо-иқтисодий, меҳнат муносабатлари, гендер тенглиги соҳаларида ҳамкорликни ривожлантириш масалалари муҳокама қилинди.
Президент Администрацияси Ижроия аппаратининг коммуникациялар ва ахборот сиёсати сектори мудири Саида Мирзиёева ЮНЕСКО собиқ Бош директори Ирина Бокова, “Оға Хон” жамғармасининг маданият бўйича Катта маслаҳатчиси Франческо Бандарин ҳамда “Wilmotte & Associés” архитектура бюросининг Бошқарувчи директори Борина Андрю билан учрашди. Унда яқин вақт ичида Самарқанд шаҳрида барпо этилиши режалаштирилаётган “Буюк ипак йўли” музейининг лойиҳаси тақдимоти намойиш этилган.
“Бизнесни ривожлантириш банки” АТБ БМТнинг Глобал шартномаси ташаббусига қўшилди. Бирлашган Миллатлар Ташкилотининг Глобал шартномаси (UN Global Compact) – халқаро ишбилармонлар ҳамжамияти ташаббуси билан ташкил этилган бўлиб, дунё бўйлаб барқарор ривожланиш соҳасидаги йирик ташаббус деб тан олинган ҳамда барча аъзо компанияларни барқарор ва ижтимоий масъулиятли фаолият юритишга ундаши билан аҳамиятлидир.
Макроиқтисодий ва ҳудудий тадқиқотлар институти (МҲТИ) мутахассислари эконометрик ёндашув асосида миллий қадриятларимиздан бири бўлган бағрикенглик ва иқтисодий фаровонлик ўртасидаги боғлиқликни таҳлил қилди. Халқимиз ўз тарихи мобайнида бағрикенгликнинг энг яхши намуналарини кўрсатиб келган ва маърифатга асосланувчи ушбу олий қадрият халқимиз турмуш тарзининг ажралмас бир қисмига айланган.
Макроиқтисодий ва ҳудудий тадқиқотлар институти (МҲТИ) экспертлари 2022-2023 йилларнинг январь-ноябрь ойларида онлайн аукционга ижара ва мулк ҳуқуқи асосида чиқарилган ерларнинг туманлар кесимидаги ҳолатини таҳлил қилди. Мулк ҳуқуқи асосида энг кўп аукцион савдосига чиқарилган ер участкалари қўйилган лотлар сони Олтиариқ (1 675 та), Бешариқ (652 та), Ҳазорасп (609 та), Қўшкўпир (525 та), Тупроққалъа (525 та) туманларига тўғри келган.
Бугун Ўзбекистон вилоятлари совуқ ҳаво массалари таъсири остида бўлади. Куннинг биринчи ярмида қор ёғиши кузатилади, фақат Қорақалпоғистон Республикаси, Хоразм, Бухоро, Навоий вилоятларида ёғингарчиликсиз об-ҳаво бўлиши кутилмоқда.
Пекин шаҳрида ўтказилган музокаралар натижасига кўра ҳар икки мамлакат учун манфаатли бўлган муҳим келишувнинг якуний матни бўйича ижобий қарор қабул қилиниб, келишув баёни имзоланди. Ушбу келишув баёни томонлар ўртасида авиақатновлар ҳажмини ҳафтасига 100 тага (ҳар икки мамлакат авиакомпаниялари томонидан 50 тадан) олиб чиқиш, парвозлар географиясини кенгайтириш мақсадида Ўзбекистон ва Хитой авиакомпаниялари учун икки мамлакатнинг исталган шаҳарларига парвоз этиш имкониятини яратиш (ҳозирда парвозларни амалга ошириш учун 7 та шаҳар белгиланган), шунингдек, хизмат кўрсатувчи 3 та авиакомпаниялар сонини чексиз авиакомпанияларга ўзгартиришни назарда тутади.
Ўзбекистоннинг янги тайинланган Фавқулодда ва Мухтор Элчиси Сардор Рустамбоев Ҳиндистон пойтахтига келди. Бу ҳақда «Дунё» АА мухбири хабар бермоқда.
Статистика агентлиги маълумотларига кўра, 2023 йил якунига кўра, барча қатнов турлари бўйича жами темир йўл транспортида ташилган йўловчиларнинг 15,2 фоиз ёки 1 475,4 мингтаси “Афросиёб” тезюрар поездида ташилган. Бу эса бир кунда ўртача 4 минг йўловчи ушбу транспорт туридан фойдаланганини кўрсатмоқда.
2024 йилнинг 25 январь куни Ўзбекистон ташқи ишлар вазири ўринбосари Музаффар Мадраҳимов мамлакатдаги дипломатик миссиясини якунлаётган Бельгия Қироллигининг фавқулодда ва мухтор элчиси (қароргоҳи Москва шаҳрида) Марк Михелсон билан учрашув ўтказди. Бу ҳақда Ташқи ишлар вазирлиги Матбуот хизмати хабар бермоқда.
Жорий йилнинг 24 январь куни Телеграм ижтимоий тармоғида 80-сонли автобуснинг санитар ҳолати талаб даражасида эмаслиги ҳақида хабар жойлаштирилди. Мазкур ҳолат юзасидан «Тошшаҳартрансхизма» изоҳ берди. Қайд этилишича, ушбу ҳолат «2-Автобус саройи» филиали тасарруфидаги, сарой рақами 407-бўлган «МАН» русумли, 80-сонли «Жанубий вокзал – M.Юсуф кўчаси» автобус йўналишида кузатилган.
Dekarbonizatsiya, resurslar samaradorligini oshirish, o’zaro bog’liklikni yaxshilash va xususiy sektor rivojlanishini jadallashtirish asosiy ustuvorliklar qatoriga kiradi • YeTTB O‘zbekiston uchun yangi besh yillik strategiyani tasdiqladi • Dekarbonizatsiya, suv samaradorligi va qayta tiklanadigan energiyani qo’llab-quvvatlash • Xususiy sektorni rivojlantirish va biznes muhitini yaxshilash Yevropa tiklanish va taraqqiyot banki (YeTTB) Direktorlar kengashi O‘zbekiston bo‘yicha 2029-yilgacha bankning mamlakatdagi ustuvor yo‘nalishlarini belgilab beruvchi yangi strategiyani tasdiqladi. Bankning Markaziy Osiyoning aholi eng zich joylashgan davlatidagi faoliyatiga strategik yondashuvi quyidagi uchta yo‘nalishdagi faoliyatga asoslanadi: (i) dekarbonizatsiyani qo’llab-quvvatlash, suv samaradorligini oshirish va toza energiya; (ii) xususiy sektorni rivojlantirish, bandlikni qo’llab-quvvatlash, ko’nikmalar, inklyuzivlik va raqamli o’tish; va (iii) iqtisodiy boshqaruvni, biznes muhitini yaxshilash va infratuzilma aloqalarini yaxshilash YeTTB avvalom bor, O’zbekiston hukumati bilan birgalikda milliy iqtisodiyotni yanada dekarbonizatsiya qilish bo’yicha ish olib boradi va qayta tiklanadigan energiya ishlab chiqarishning umumiy hajmidagi ulushini yanada oshirishga yordam beradi.
Россиянинг Тюмен тиббиёт университети олимлари оқшом ва тун маҳали смартфон ҳамда бошқа гаджетлар мониторларидан тараладиган кўк нур семизликни келтириб чиқаришини исботлади. Қайд этилишича, мазкур спектрдаги ёруғлик организмда мелатонин, яъни халқона тильда “уйқу гормони” деб аталувчи модда ишлаб чиқарилишига тўсқинлик қилади.
Бир кунда ўртача ташиладиган йўловчилар сони 662,3 мингдан ошди. Бу эса 2022 йилга нисбатан 62% га кўп.(2022 йилда ўртача 404,4 минг йўловчи ташилган).
СУДЛАР ТОМОНИДАН 2023 ЙИЛДА КЎРИБ ЧИҚИЛГАН ЖИНОЯТ ИШЛАРИ ЮЗАСИДАН АХБОРОТ 2023 йил давомида жиноят ишлари бўйича судлар томонидан 73 797 нафар шахсга нисбатан 58 418 та жиноят иши кўриб чиқилди. 1 244 нафар шахс оқланиб, реабилитация қилинди.
Қишлоқ хўжалиги махсулотида чорвачилик ҳажми 206 трлн сўмни (улуши 52%) ташкил этиб, 2022 йилга нисбатан 110 фоиз ўсишга эришилди, — деди Ветеринария ва чорвачиликни ривожлантириш қўмитаси бошқарма бошлиғи Алишер Сафаров Чорвачиликни ривожлантириш учун қилинган ишлар: 🔸Халқаро молия институтларидан 240 млн доллар маблағлар жалб қилинди ва 565 та янги чорвачилик субъектлари ташкил қилинди. 🔸Наслчиликни ривожлантириш мақсадида 2,5 млн бош сигир ва таналар сунъий уруғлантирилди.
Олий Мажлис Сенати Раиси Танзила Нарбаева Лондон шаҳрида Буюк Британия Парламентининг Лордлар палатаси спикери Жон МакФолл билан учрашди. Ўзбекистон ва Буюк Британия ўртасидаги сиёсий-дипломатик мулоқотни кенгайтириш, парламент дипломатиясини фаоллаштириш, савдо-иқтисодий алоқаларга янги тус бериш ҳамда маданий-гуманитар соҳалардаги ҳамкорликни ривожлантириш каби масалалар музокаранинг асосини ташкил этди.
Иқтисодиёт ва молия вазирлиги ҳар чорак якунига кўра, “Очиқ бюджет” ахборот порталида фуқароларнинг бюджет жараёнига жалб этилиши ҳамда ташаббусли бюджетлаштириш тадбирларининг амалга оширилиши самарадорлиги ва натижадорлиги юзасидан ҳудудлар фаолиятини баҳолаб боради. Анъанага мувофиқ, “Ташаббусли бюджет” жараёнларида ҳудудлар фаоллигини баҳолаш мақсадида 2023 йил якунларига кўра эришилган кўрсаткичлар асосида “Ҳудудлар рейтинги” шакллантирилди.
Соат 17:30 да Тошкент шаҳридаги 110 кВли “Л-Ботаническая-2” электр узатиш тармоғида носозлик юзага келган, дея хабар бермоқда Энергетика вазирлиги ахборот хизмати. Маълум қилинишича, Мирзо Улуғбек ва Юнусобод туманлари истеъмолчилари қисман (3500 та) электр таъминотидан узилган.
Давлат ташрифининг ишбилармонлик дастури доирасида президент Шавкат Мирзиёев Шэньчжэнь шаҳрида Хитойнинг етакчи «BYD» компанияси бош қароргоҳи ва технологиялар марказига ташриф буюрди. Ташриф чоғида компания ютуқларига бағишланган кўргазма, автомобиллар ва бошқа турдаги техникаларнинг ишлаб чиқарилаётган ва истиқболли моделлари, компаниянинг янги технологиялари ва илғор ишланмалари намойиши бўлиб ўтди.
Давлатимиз раҳбари топшириғига асоан Президент администрацияси ва Халқ қабулхоналари бошчилигидаги Республика ишчи гуруҳи жойларда ўз фаолиятини давом эттирмоқда. Республика ишчи гуруҳи томонидан Фарғона вилоятида аҳоли кайфияти билан боғлиқ долзарб масалаларни ўрганиш ва соҳавий муаммоларни жойида ҳал этиш ишлари бошланди.
Статистика агентлиги маълумотларига кўра, 2023 йил давомида Хитойдан Ўзбекистонга 42 470 нафар туристлар ташриф буюрган. 2023 йилда Хитойдан Ўзбекистонга келган туристларнинг асосий сафар мақсадлари:— дам олиш – 35 574 нафар — хизмат юзасидан – 4 825 нафар— тижорат – 1 016 нафар— қариндошларни йўқлаш – 631 нафар— ўқиш – 421 нафарОйлар кесимида Хитойдан Ўзбекистонга келган туристлар сони:— январда – 394 нафар— февралда – 1166 нафар— мартда – 2088 нафар— апрелда – 2684 нафар— майда – 3301 нафар— июнда – 3640 нафар— июлда – 4382 нафар— августда – 4106 нафар— сентябрда – 7676 нафар— октябрда – 5931 нафар— ноябрда – 3582 нафар— декабрда – 3520 нафар
Ўзбекистон Республикаси Президенти Шавкат Мирзиёевнинг Шэньчжэнь шаҳрига ташрифи доирасидаги навбатдаги учрашув “CSG” компанияси директорлар кенгаши раиси Мэн Чжэньпин билан бўлди. Хитойнинг электр тармоқлари соҳасидаги етакчи компаниялардан бири “CSG” тармоқларни қуриш ва бошқаришга ихтисослашган.
3 январь куни Хитойнинг Шенчжен шаҳрида Тошкент шаҳар ҳокими в.б. Шавкат Умурзаков бошчилигидаги делегация Beijing North Bartholet Ropeway Technology компанияси вакиллари билан учрашди.
Иқтисодиётдаги юқори талаб динамикаси таъсирида шаклланаётган кутиламаларни инобатга олиб асосий ставка даражасиўзгаришсиз қолдирилди. Прогнозларга кўра, инфляция йил якунида 8-9 фоизни ташкил этиши кутилмоқда.
Жорий йилнинг 1 апрелидан бошлаб чиқиндиларни тўплаш ва олиб чиқиб кетиш хизматлари учун ҚҚС бўйича ноль даражали ставка ҳисобланиши бекор қилинади. Санитар тозалаш ишларини ташкил этиш республика маркази ахборот хизмати маълум қилишича, мазкур тартибни жорий этилиши бўйича масъул Солиқ органи томонидан берилган тушунтиришга кўра, хизмат кўрсатувчи корхона томонидан кўрсатиладиган санитар тозалаш хизматлари қийматига нисбатан қўшилган қиймат солиғи ҳисобланади.
Бокуда Ўзбекистон фан ва маданияти кунлари бошланди Озарбайжонда Ўзбекистон фан ва маданияти кунлари бошланди. Тантанали маданий тадбирлар Озарбайжон Миллий фанлар академияси M.
Қарорга кўра, юқори барқарорлик рейтингидаги тадбиркорлар учун қуйидаги рағбатлантириш чоралари жорий этилади: “ААА” тоифадаги тадбиркорлар фаолиятида солиқ текширувлари ўтказилмайди, (жиноий ишлар доирасида ўтказиладиган текширувлар бундан мустасно) шунингдек, ушбу тоифадаги тадбиркорларга ҚҚС суммаси ўрнини қоплаш (қайтариш) бир кунда текширувларсиз амалга оширилади; 4 ва 5-тоифадаги туманларда фаолият юритаётган “АА” ва ундан юқори тоифадаги тадбиркорларга бўлиб-бўлиб тўлаш шарти билан сотилган давлат активлари ва қишлоқ хўжалигига мўлжалланмаган ер участкалари бўйича камида 15 фоиз миқдоридаги дастлабки тўлов бир йўла амалга оширилганда қолган суммага Марказий банкнинг асосий ставкаси миқдорида йиллик фоизлар ҳисобланмайди ҳамда бўлиб-бўлиб тўлаш муддати 5 йилгача узайтирилади; “А” ва ундан юқори тоифадаги тадбиркорлик субъектларига: — солиқлар бўйича (ҚҚС бундан мустасно) мавжуд ортиқча тўлов суммасини қайтариш 3 кунда амалга оширилади; — товарларни импорт қилишда ва товарларни (хизматларни) реализация қилишда тўланадиган ҚҚС суммаларини ўзаро ҳисобга олиш тартиби татбиқ этилади. 2024 йил 1 апрелдан тадбиркорларга субсидия, имтиёз ва преференциялар уларнинг рейтинг даражасидан келиб чиққан ҳолда жорий этилади.
Бугун Америка Қўшма Штатлари ўзининг Халқаро тараққиёт агентлиги (USAID) орқали қиймати 425 000 долларга тенг бўлган 131 тонна озиқ-овқатни Ўзбекистонга етказиб берди. Бу ҳақида АҚШнинг мамлакатимиздаги элчихонаси хабар бермоқда.