Ҳукумат қарори (123-сон, 11.03.2024 й) билан “Ўзгалар парваришига муҳтож шахсларни эътироф этиш, индивидуал тартибда ижтимоий хизматлар ва ёрдамлар кўрсатиш режасини тасдиқлаш ва мониторинг қилишнинг маъмурий регламенти” тасдиқланди. Унга кўра, ўзгалар парваришига муҳтож шахсларни аниқлаш, уларнинг яшаш шароитларини баҳолаш, ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестрига киритиш, индивидуал тартибдаги ижтимоий хизматлар ва ёрдам кўрсатиш режасини шакллантириш ҳамда кўрсатилган ижтимоий хизматлар ва ёрдамнинг самарадорлигини мониторинг қилиш тартиби белгиланди.
15-16 март кунлари Хитойнинг Таян шаҳрида таэквондо WТ бўйича Париж-2024 ёзги Олимпия ўйинларига йўлланма берувчи лицензион мусобақа бўлиб ўтади. Осиё минтақаси вакиллари учун ташкил этиладиган ушбу турнирда қатнашувчи Ўзбекистон терма жамоаси Хитойга етиб борди.
Республикада электр энергиясини беришда чекловлар бекор қилинганидан кейин 4 кун ўтиб қайтадан жорий этилди. Энергетика вазирлиги Ахборот хизмати хабарига кўра, кеча, 12 март куни кучли ёмғир ва қаттиқ шамол туфайли электр қурилмаларида юзага келган 12 та, газ таъминотида юзага келган 3 та носозлик бартараф қилинган.
Кўпчилик спорт ва жисмоний фаоллик саломатликка ижобий таъсир кўрсатиши ва умр кўриш давомийлигини ошириши, шунингдек кўплаб касалликлардан ҳимоя қилиши ҳақида эшитган. Аммо бу давримизнинг энг ҳалокатли касалликларидан бири — саратонга тегишлими?
Ўзбекистоннинг Сирдарё вилоятидаги каналлардан биридан Тожикистонда бир ойдан кўпроқ вақт олдин йўқолган 9 ёшли Сафияхон Раҳматованинг жасади топилди. Маълум бўлишича, Тожикистон Фавқулодда вазиятлар ва фуқаролик мудофааси қўмитаси Ўзбекистон Фавқулодда вазиятлар вазирлигидан қизни топишда ёрдам сўраган.
Ўзбекистон ташқи ишлар вазири Бахтиёр Саидов Афғонистон муваққат ҳукумати раҳбари мулла Муҳаммад Ҳасан Охунд, унинг ўринбосарлари Мавлавий Абдул Салом Ҳанафий ва Мулла Абдул Ғани Бародар, ташқи ишлар вазири Мавлавий Амир Хон Муттақий, ИИВ раҳбари Халифа Сирожиддин Ҳаққоний ва бошқалар билан музокаралар ўтказди. Бу ҳақда вазир Бахтиёр Саидов хабар қолдирди.
Авиакомпаниянинг таъкидлашича, бўёқ кўчиши косметик нуқсон бўлиб, парвознинг яроқлилиги ва ҳаво кемаси парвозларининг хавфсизлигига ҳеч қандай таъсир кўрсатмайди. "Uzbekistan Airways" АЖга қарашли "Boeing" В787 самолётининг қанот қисмидаги бўёқлари акс этган видео ижтимоий тармоқларга сиздирилди.
Бемор аввал шифокор қабулида 40 дақиқа навбат кутган бўлса, эндиликда бу тизим сабаб мутахассис кўригига онлайн ёзилиш орқали вақти 10 дақиқагача қисқаради. Пойтахтнинг Мирзо Улуғбек туманида жойлашган 7-сон оилавий поликлиникада “Электрон поликлиника” ахборот тизимининг такомиллаштирилган янги талқини пилот тариқасида ишга туширилди.
Қўлга олинганлар “Ампициллин”, “Виванарин”, “Инфера”, S-Gen ва Ferrovell каби дори воситаларини сотишга уринган. Ҳолат юзасидан жиноий ишлар қўзғатилган.
Ўзбекистонлик таниқли эксперт Шоҳида Ибрагимова молиявий саводхонликдан дарс бериб, 2 ойда 300 нафар ўқувчини натижага чиқаргани учун “InterRecord“ халқаро рекордлар китобига кирди. Қайд этилишича, у ушбу дарсларни Ўзбекистон Республикаси Президентининг тегишли фармонига кўра, мамлакатимиздаги оилаларни мустаҳкамлаш, хотин-қизларнинг ижтимоий-сиёсий фаоллигини ҳамда бандлигини янада ошириш, тадбиркорлик кўникмаларини шакллантириш, гендер тенглигини таъминлаш мақсадида ташкил этган.
Тошкент вилоятида 2 млрд. 284 млн.
«Ташаббусли бюджет»нинг 2024 йилги илк мавсумига 1 февраль кунидан старт берилади. Бу ҳақида Иқтисодиёт ва молия вазирлиги хабар берди.
Президент Шавкат Мирзиёев 12 март куни жорий йилда уй-жойлар ҳамда “Янги Ўзбекистон” массивлари қурилиши бўйича йиғилиш ўтказди. Халқимизга муносиб турмуш шароити яратиш мақсадида 100 триллион сўм маблағ йўналтирилди.
Душанбе шаҳрида 12 март куни Ўзбекистон ва Тожикистон ўртасида савдо-иқтисодий ҳамкорлик бўйича Ҳукуматлараро комиссиянинг навбатдаги йиғилиши бўлиб ўтди. Икки мамлакат Бош вазирлари бошчилигида ўтган йиғилишда президентларнинг биргаликдаги саъй-ҳаракатлари билан стратегик шериклик ва иттифоқчилик муносабатларимиз дўстлик, яхши қўшничилик ва ўзаро ҳурмат руҳида жадал ривожланиб бораётгани, улар томонидан кўп қиррали муносабатларни янада ривожлантириш бўйича аниқ вазифалар белгилаб берилгани таъкидланган.
Италиянинг Бусто-Арситсио шаҳрида бокс бўйича 1-жаҳон лицензион мусобақаси ўз якунига етди. Унда қатнашган Ўзбекистон терма жамоаси муваффақиятли иштирок этиб, Париж—2024 ёзги Олимпия ўйинларига 5 та йўлланмани қўлга киритди.
нда эркаклар ва аёллар миллий терма жамоасида ҳам 9 нафар боксчи иштирок этди. Олимпияда йўлланмаси учун бўлиб ўтган баҳслар якунига кўра, эркаклар терма жамоаси тўлиқ таркибда, 7 та вазнда ҳам Париж-2024 йўлланмасига эга чиқишган бўлса, аёлларимиздан бир нафар вакиламиз Париж-2024 олимпиядасига йўлланмани қўлга киритди.
Дунёнинг 123 рақамли теннисчиси Лука Нарди Индиан-Уэллсдаги “Masters” мусобақасининг учинчи босқичида дунёнинг биринчи рақамли теннисчиси Новак Жоковичдан устун келди – 6:4, 3:6, 6:3.Нарди биринчи марта рейтингнинг кучли 10 лигидаги рақибни мағлуб этди. Ушбу ўйин олдидан у Индиан-Уэлсда мусобақасининг иккинчи даврасида дунёнинг 50-рақамли теннисчиси Чижен Чанни мағлуб этиб, фаолиятидаги энг яхши ғалабасини қўлга киритган эди.
UzAuto Motors дилерлар билан ҳамкорликнинг янги тизимига босқичма-босқич ўтмоқда. Ўзбекистонда автомобиль бозорининг тўйинганлиги автомобилларни чакана савдосига янгича ёндашувларни талаб қилмоқда.
Президент Шавкат Мирзиёев 12 март куни тадбиркорлар фаолиятини кенгайтириш ва экспортга жалб этиш бўйича таклифлар тақдимоти билан танишди. Бу ҳақда давлатимиз раҳбари 2023 йил 18 декабрда бўлиб ўтган видеоселектор йиғилишида айтган эди.
Президент Администрацияси ва Халқ қабулхонаси бошчилигидаги Республика ишчи гуруҳи ўз фаолиятини Андижон вилоятида давом эттирмоқда. Президент маслаҳатчиси ўринбосари – Президент Халқ қабулхонаси раҳбари Улуғбек Муҳаммадиев бошчилигидаги ишчи гуруҳ вилоят маҳаллаларида аҳоли муаммоларини ҳал қилиш, ижтимоий инфратузилма ҳолатини яхшилаш, “маҳалла еттилиги”нинг фаолияти ҳамда ёшлар билан ишлаш тизимини самарали ташкил этиш бўйича амалга оширилаётган ишларни жойига чиққан ҳолда ўрганиб, керакли амалий ва ташкилий-услубий ёрдам кўрсатиб келмоқда.
Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) ва Глобал тупроқ ҳамкорлиги (GSP) Ўзбекистон Республикаси Қишлоқ хўжалиги вазирлиги ва бир қатор ҳамкорлар билан биргаликда Тошкентда “Ўзбекистонда қишлоқ хўжалиги ерларини қайта карбонлаштириш (RECSOIL)” ташаббусининг бошланишига бағишланган кириш семинарини ўтказди. Ташаббус Глобал Экологик Жамғармаси (GEF) томонидан молиялаштирилаётган Ўзбекистондаги ФАОнинг иккита лойиҳаси билан ҳамкорликда амалга оширилади.
Ҳолат юзасидан Жиноят кодексининг иккита моддаси билан жиноят иши қўзғатилди. Бош прокуратура ҳузуридаги Департаментнинг Янгиҳаёт туман бўлими томонидан ўтказилган тезкор тадбирда фуқаро Ғ.Н.
Солиқ қўмитаси такси агрегаторларидан тушган солиқ тушумлари тўғрисида маълумот бериб, барча онлайн агрегаторларни интеграциялаш бўйича ишлар ҳақида маълумот берди. Такси хизматлари учун нақд ва нақд пулсиз тўловлар бўйича тўловларни фискаллаштириш бўйича олиб борилган ишлар натижасида 2023 йил декабридан 2024 йил февралига қадар бюджетга 9,7 миллиард сўм солиқ тушди.
Давлат комиссиясининг тегишли баёни билан 2023/2024-ўқув йилида олий ва профессионал таълим муассасаларининг айрим талаба-ўқувчиларига базавий/табақалаштирилган тўлов-контрактнинг бир йиллик ўқитиш қийматидан камида 50 фоизи миқдоридаги тўловларни амалга ошириш ҳамда талабалар сафига қабул қилишни расмийлаштиришнинг сўнгги муддати жорий йилнинг 10 апрелига қадар этиб белгиланди. Ушбу узайтириш қуйидагиларга тааллуқли: — олий таълим муассасаларига тўлов-контракт асосида ўқишга тавсия этилган (ОТМ раҳбарининг фармойиши асосида ўқишга қатнашишга рухсат этилган, фанларни ўзлаштирган лекин, шартнома тузиб, тўловларни белгиланган муддатлардан кечикиб амалга оширган ва бугунги кунгача талабаликка қабул қилиш бўйича буйруқ расмийлаштирилмаган) абитуриентлар; — хорижий ва нодавлат олий таълим муассасалардан ўқишини кўчираётган, кўчириб тиклаётган ва қайта тиклаётган талабалар; — профессионал таълим муассасалари (коллеж, техникум)га тўлов-контракт асосида ўқувчиликка тавсия этилган абитуриентлар.
Соат 06:45 да Самарқанд вилоятида юз берган кучли ёмғир оқибатида 6-10 кВли 15 та электр узатиш тармоғи авариявий ўчди. Бу ҳақда Энергетика вазирлиги хабар қилмоқда.
3-11 март кунлари Италиянинг Бусто-Арсицио шаҳрида Париж-2024 Олимпия ўйинлари учун йўлланма берувчи 1-жаҳон квалификацион турнири бўлиб ўтди. Унда эркаклар ва аёллар миллий терма жамоамиз ҳам 9 нафар боксчи билан иштирок этишди.
Хонадондаги қорамолни хатловга олиш жараёнида хонадон эгалари қарздор уйнинг ертўласига яшириниб олганини айтишган. Сурхондарёда фарзандларига алимент тўламаганлиги учун икки йил олдин қидирувга берилган ота ўз хонадонининг ертўла қисмидан топилди, дея хабар бермоқда Сурхондарё МИБ Матбуот хизмати.
Олий Мажлис Сенати Раиси, Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссияси раиси Танзила Норбоева бошчилигидаги Ўзбекистон делегацияси Нью-Йорк шаҳрида БМТ Аёллар ҳолати бўйича комиссиясининг 68-сессиясида иштирок этмоқда. Маълумот ўрнида таъкидлаш лозим, Комиссия БМТ Иқтисодий ва ижтимоий кенгашининг ишчи органи бўлиб, хотин-қизларнинг ҳуқуқларини ҳимоя қилиш ва илгари суриш бўйича халқаро стандартларни ҳамда уларнинг бажарилиши юзасидан таклифларни ишлаб чиқиш билан шуғулланади.
“Бир миллион дастурчи” лойиҳаси доирасида бюджет маблағлари талон-торож қилинганлиги бўйича жиноят иши қўзғатилди. Бу ҳақда Коррупцияга қарши курашиш агентлиги Ахборот хизмати хабар қилди.
-50 кг вазндаги боксчимиз Сабина Бобоқулова Италиядаги лицензион турнирнинг ҳал қилувчи баҳсида япониялик Ринка Киношитага қарши баҳс олиб борди.Ҳакамлар қарорига кўра ғалаба ўзбек боксчисига берилди.