Энди ҳар ойнинг охирги чоршанбасида Тошкентда “Автомобилсиз кун” ўтказилади

Ойига бир марта маҳаллий ижро этувчи ҳокимият органларининг раҳбарлари ва бошқа ходимлари шахсий намунаси билан жамоат транспортидан фойдаланишлари белгиланди.

Ҳукумат топшириғига биноан, 2024 йил март ойидан бошлаб ҳар ойнинг тўртинчи чоршанба куни (агар байрам кунига тўғри келса, пайшанба куни) Тошкент шаҳрида автомобиллар ҳаракатланишини (жамоат транспортлари, махсус ва шошилинч ёрдам хизматларидан ташқари) қисқартиришга қаратилган «Автомобилсиз кун» деб эълон қилинди.

«Автомобилсиз кун» жамоатчилик лойиҳасида вазирлик ва идоралар, ҳудудий ижро этувчи ҳокимият органларининг раҳбар ва масъул ходимлари иш жойига жамоат транспортида келиб, намуна кўрсатиб бориши белгиланди.