Тошкент халқаро аэропортида СИП залидан шаҳарга чиқиш вақтинча ўзгартирилди

Ушбу чора-тадбирлар аэропортни реконструкция қилиш муносабати билан амалга оширилди. Унинг ҳудудига келиш учун махсус белгилар ўрнатилган.

«Uzbekistan Airports» Матбуот хизматининг маълум қилишича, реконструкция ишлари муносабати билан учиб келган йўловчилар учун «Тошкент» халқаро аэропортининг CИП залидан шаҳарга чиқиш вақтинча терминалнинг чап томонига (учиб кетиш залининг эскалатори томонга) кўчирилди.

Қулайлик учун аэропортга кириш жойидан CИП залигача белгилар ўрнатилган. «Uzbekistan Airports» ва «Тошкент» аэропорти номидан вақтинчалик ноқулайликлар учун узр сўралади.