Қашқадарёда икки туманни боғловчи дарё кўпригини сел ювиб кетди

Шаҳрисабз туманида жойлашган кўприк сув тошқини натижасида яроқсиз аҳволга келиб қолди.

Аввалроқ, ижтимоий тармоқда Болсувар қишлоғи Қизилдарё дарёси устидаги аҳамиятга молик автомобиль кўприги сойда юз берган сел ҳодисаси туфайли бутунлай вайрон бўлгани ҳақида видеолар тарқалди.

Чироқчи тумани ҳокимлиги Матбуот хизматининг маълум қилишича, Чироқчи ва Шаҳрисабз туманларини боғловчи Қашқадарё дарёси узан устидан ўтган кўприкнинг асос пойдеворини сел сувлари ювиши натижасида ушбу ҳолат юзага келган.

Аниқланишича, мазкур кўприк Шаҳрисабз тумани Ободонлаштириш бошқармаси ҳисобидаги ички хўжалик йўлларини боғловчи кўприк ҳисобланади.