Сурхондарёда иккита машина ўртасида автоҳалокат содир бўлди

Сурхондарё вилоятининг Сариосиё туманида иккита автомашина иштирокида йўл-транспорт ҳодисаси юз берди. Бу ҳақда Сурхондарё вилояти ИИБ ЖХХ ЙҲХБ Ахборот хизмати хабар берди.

Ҳолат 5 май куни соат 14:00 лар чамаси Сариосиё туманининг “Теракзор” маҳалласи ҳудудида содир бўлган. 1991 йилда туғилган ҳайдовчи “Lacetti” автомашинасини бошқариб келиб, ўзидан олдинда бир йўналишда ҳаракатланган ва йўлнинг чап томонида жойлашган кўчага бурилаётган “Malibu” автомашинаси билан тўқнашади.
Йўл-транспорт ҳодисаси натижасида Lacetti автомашинасида вафот этганлар бор.